Þorvaldur Gylfason prófessor er aðdáandi Hillary Clinton, sem sækist eftir að verða forsetaefni demókrata í nóvember næstkomandi. Prófessorinn er einnig í hópi þeirra sem dáist að Obama Bandaríkjaforseta og telur að demókratar séu ímynd hins góða og óspillta. Repúblikanar eru tákngerfingar spillingar og mannvonsku.

Í grein sem Þorvaldur birtir í Fréttablaðinu dregur hann upp sérstaka mynd af bandarískum sjórnmálum (sem hann yfirfærir síðan á íslensk stjórnmál) og engu er líkara en hann hafi lítið sem ekkert fylgst með en það hefur Þröstur hins vegar gert síðustu 30 ár eða svo. Þröstur vonar bara að Þorvaldur nálgist ekki fræðigrein sína með sama hætti og hann fjallar um bandarísk stjórnmál.

Í stað þess að fara fram með fullyrðingar og byggja á því hvernig honum finnst að hlutirnir ættu að vera, gæti Þorvaldur t.d. byrjað á að lesa stutta færslu Jóns Magnússonar, hæstaréttarlögmanns á fésbók um Hillary Clinton:

„Hillary Clinton er sennilega rotnasti og spilltasti stjórnmálamaðurinn sem nú sækist eftir að verða næsti forseti Bandaríkjanna og þó víðar væri leitað.

Nýlega var upplýst að hún fékk greiddar rúmar 86 milljónir króna fyrir að halda 3 ræður eða 29 milljón króna á ræðu fyrir Goldman Sachs bankann á Wall Street.

Þeir hafa alltaf verið snjallir hjá Goldman Sachs við að pikka út þá sem geta síðar borgað þeim til baka með peningum skattgreiðenda.“

Í framhaldinu gæti Þorvaldur síðan leitað á náðir Google-frænda og leitað t.d. að:

• Whitewater scandal
• e-mail scandal
• Benghazi
• Clinton Foundation
• FBI and Clinton