Sigríður Andersen lagði fyrir nokkrum fram frumvarp þar sem fellt eru úr gildi löf frá 2002 sem heimila ríkissjóði að ábyrgjast skuldabréf vegna fjármögnunar nýrrar starfsemi Íslenskrar erfðagreiningar ehf.

Í greinargerð segir Sigríður að árið 2002 hafi Íslensk erfðagreining ehf. óskað eftir því við ríkið að það ábyrgðist fjárfestingu móðurfyrirtækis þess, deCODE Genetics Inc, í tengslum við nýja starfsemi Íslenskrar erfðagreiningar sem þá var fyrirhuguð á sviði lyfjaþróunar. Við þessari beiðni var orðið með sérstökum lögum:

„Hingað til hefur deCODE Genetics Inc. ekki óskað eftir að heimild sú er lögin veita verði nýtt. Í skýrslu Ríkisendurskoðunar til Alþingis frá október 2015 kemur fram að samkvæmt upplýsingum frá fjármála- og efnahagsráðuneytinu hefði deCODE afturkallað beiðni sína um ríkisábyrgð áður en til ríkisábyrgðar kom. Fyrirtækið óskaði eftir gjaldþrotaskiptum í Bandaríkjunum árið 2009.“

Tillaga Sigríðar Andersen um að fella lögin úr gildi varð tilefni til að Hallmundur Kristinsson hagyrðingur setti saman vísukorn:

Heyrðu karlinn, Kári minn,
kæri vinur góði,
úti skal með aðgang þinn
að okkar ríkissjóði.